Søndag 12. juni blir det høve til å oppleva flott Nordhordlandsnatur frå sjøsida.
Dei tre fjordabåtane Vestgard, Atløy og D/S Oster vil då gå frå Bergen, Osterfjorden og Solund/Gulen langs tronge sund og breie fjordar med Fedje som mål. NB! Det var opphaveleg sett opp fire båtar. Dette er no redusert til tre båtar, så programmet blir redusert med at Flatøy aust ikkje får anløp.
Kl. 12.00 blir det gudsteneste i Fedje kyrkje, kl. 15.00 går så båtane tilbake, same ruta.
Båtane vil ha stoppestad på mange av dei gamle kaiane i Åsane og Nordhordland på si ferd mot Fedje. Detaljar om stoppestader og rutetider, prisar m.m. finn du på www.kystkultur.no.
Set av datoen og bli med på ei førsommaroppleving av dei sjeldne!
Arrangementet er eit samarbeid mellom Fjordabaatane, Kystkultur.no og Fedje sokneråd.